講3Racing大家可能諗到係車架,其實近排原來出咗摩打。 趁3Racing主腦祺哥出國閉關前,拿拿林攞兩隻13.5嚟試下(有俾錢架)。祺哥亦都講解呢款摩打特色。
首先佢係會有五款,4.5同5.5係IFMAR例設計,13.5,17.5同21.5都係Outlaw,而係我手上嘅兩個係13.5嚟。Outlaw款都係重磁設計,但據祺哥講呢款摩打行起上嚟除咗扭力比以往主流outlaw 13.5好外,係速度向上或俾brake時都會減低鎖車感,尤其是落brake果下,令車入灣俾brake果下唔會鎖到唔去車,咁入灣更爽。祺哥亦都俾咗佢參考齒比,turbo行6.0~6.5,blinking可以用到3.5(13.5摩打)。
重量方面係165g左右,算係還可以。 KV值就3040~3100左右。祺哥建議扭end bell去到大約4A電源會有更佳效果,進角約為36度左右。 最後講下設計,呢款摩打同市面其他最大唔同,係end bell都做咗窿,除咗偷輕之外,仲有空氣對流作用,令散熱更好。 摩打身有偷輕,位置亦都避免咗頂二樓板。 嚟緊仲有一款摩打等到手,之後下星期可以試下近排呢幾款摩打落地行車感覺。
|