[RC以外] 試砌小城故事拼砌積木消防車系列

今日又嚟講下RC以外嘢。

其實唔少玩RC工程車朋友，都會鍾意同想擁有一架遙控消防車。但係奈何價錢貴之餘，花時間改裝都好麻煩。退而求其次就買消防車模型砌，但唔少坊間賣嘅，都未必係香港款式消防車。

今次我地就試砌一下一個香港品牌Royal Toy嘅小城故事系列，除咗佢地之前出過嘅五十五米鋼梯，佢地啱啱就新出咗一架升降油壓台。睇相比例同形態就非常好喇，砌起上嚟同最後出嚟結果係點呢?呢類仿Lego嘅拼砌/拼裝積木，又有冇質素呢?今次就同大家試砌之餘又REVIEW一下。