本帖最後由 foxHK 於 2014-10-6 10:25 編輯
樓主師兄:
係公司蛇王就回下你先,直昇機飛行原理真機同RC係一樣, 可以先睇下以下,
http://kai0913.myweb.hinet.net/theorem.html
http://baike.baidu.com/view/1492248.htm
google 下 直昇機原理 你就會明 collective pitch... 等等.
先講講V911 台灣友叫佢做不死小強, 咁你就明佢有幾堅幾耐炒. 原因係結構簡單,平衡係利用錘子既向心力 (也有人叫離心力) 去
穏定機身. 無咩機械部分,所以炒極都唔死. 但係呢的錘子機只算是最低B玩具級別比雙槳機好小小(無咁浪費動力).
叫你買Trex 150真係有點害死你, 炒一镬可以用百元做單位.
當你睇完上面link 你應該對電直多點認識了. 先講一下一般人叫既正統RC 電直6ch機, 機本上都係用servo 去改變螺距, 而且你會發覺尾servo 比前面三個servo
貴好多, 所以有人講機尾才是直昇機的靈魂. 所以大型機基本上會用到servo去control. 只有小型機才用motor. 因為motor 加減速一定唔夠servo改變螺距快, 好以精準度一定差的.
咁點解細機會用motor 而不用servo? 因為細機太細小,維修十分困難,而且零件便精細強度點會夠呢?! 所以細機一般會用雙motor. 亞拓乃名牌野parties肯定唔洗擔心,但所有都係
原廠,炒一鑊都肯定百百聲. 偉力V977 炒機唔代表佢唔死, 一樣會掃齒, 一樣修機修到你破產, 只不過佢既原廠件無咁貴而已.
相反點解叫你玩450, 因為450 大小剛好,又多副廠, 最偉大係有易碎arm, 炒一鑊可能只是十元八元既野(你無睇錯, 小步大師兄一早講過不過你可能睇溜左)
.
我講V120D02s係 細機既皇者 (小步兄可能反對), 因為佢係行軸而不是motor. 所以飛行精細度絕非一般雙motor可比. 不過的件越精細,炒機時就越金, 要整既地方越多.
我都有講, 細機係抗唔到風, 帶部咁細既機出去玩,香港又咁大風. 九成炒機收場, V120D02s一定係死先咁解. 所以一般新手唔推介玩, 但技術高超既高手(除左我, 我係扮高手),
就對部V120D02s 讚不絕口. 不過細機動力弱有的人會改佢做2s電, 但平衡度就破壞曬變成更豆腐了. 所以在下認為唔應該改大動力, 要玩大動力不如玩Trex 250仲好啦.
睇下國內講電直, 佢地最細都玩450級, 再細就好少人玩....
http://rc-evo.com/xbbs/forum.php
|
樓主: mic少
樓主
